Truth or Charot: Ethel Booba Twitter account na may 1.6M followers fake
Ethel Booba’s Twitter
“ETHEL Booba vs Ethel Booba!”
Hot na hot ngayon sa social media ang issue tungkol sa umano’y fake Twitter account ni Ethel na may user name na @IamEthylGabison.
Naloka at na-shock ang kanyang social media followers nang mag-post ang komedyana sa kanyang Instagram account tungkol nga sa pekeng Twitter account na gumagamit daw sa pangalan niya.
Ipinost niya ang screenshot ng
@IamEthylGabison account sa IG kasabay ng warning niya sa kanyang followers ng, “Beware of this fake Twitter!”
Gumamit pa siya ng mga hashtag na #StopUsingMyName #fake #fakenews at #peke.
Dahil dito, naging isa sa top trending topic sa Twitter Philippines ang pangalang “Ethel Booba” kung saan kanya-kanyang komento ang netizens kung bakit sa loob ng ilang taon ngayon lang ipinagsigawan ng host-comedienne na fake account ang @IamEthylGabison.
Bago maging “unavailable” ang nasabing Twitter page, may mahigit 1.6 million followers na ito na na-activate simula pa noong 2012.
Nakilala ang nasabing Twitter account sa mga nakakatuwa at nakakatawang banat at punchlines tungkol sa mga napapanahong balita kabilang na ang mga political issues tweets na kadalasan ay nagtatapos sa salitang “charot.”
Samantala, in-announce naman ni Ethel na meron na siyang totoong Twitter account, ang @ethelbooba6 kung saan muli niyang inakusahan ang pekeng account ng “manggagamit” at “masyadong makuda walang charot real talk.”
Narito ang ilan sa mga comments ng followers ni Ethel.
“ETHEL BOOBA MAGSALITA KA… WE DESERVE AN EXPLANATION!!! WE DESERVE AN ACCEPTABLE REASON!!!!” ayon kay @CKgtpndn.
Sey ni @austinedal1, “Twitter of Ethel Booba is definitely not fake – she has personally promoted it, shares life events on it & she even has a book deal w her curated tweets. Even if she did have content writers/admins (most celebs do), she wouldn’t have to completely denounce & delete it. Very odd.”
Ayon kay @ceasarsaladrice, “The ethel booba account has been active since 2012 i refuse to believe it’s only now that she discovered this ‘fake’ account.”
Sabi naman ng isang netizen, “I think whoever is handling the old twitter account is taking everyone for a ride. While I do agree that Ethyl has a ghost twitter, I think she is also in on this. I wouldn’t be surprised if later on she would say this new account is from a poser.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.