Kris: Nakakahiya kung may mahawa pa sa ubo at pneumonia ni Bimb
JOSHUA, KRIS AQUINO AT BIMBY
NAG-ALALA nang bonggang-bongga si Kris Aquino nang dapuan ng matinding ubo si Bimby.
Kasalukuyang naninirahan ngayon si Kris kasama ang dalawang anak sa resort ni Willie Revillame, doon muna sila mananatili hanggang matapos ang enhanced community quarantine sa Luzon.
Siniguro naman ni Kris na kahit nasa bahay sila at malayo sa Maynila ay sinusunod pa rin nila ang social distancing para masiguro ang kaligtasan ng bawat isa.
Nag-post si Kris sa Instagram ng mga litrato nilang mag-iina para ipakita sa kanyang followers na maayos naman ang kalagayan nila.
“I made the conscious decision to isolate ourselves, we found a friend and she kindly allowed us the use of their spare room, separate from their family’s area,” caption ni Kris sa kanyang post.
Pagpapatuloy pa niya, “Nag magandang loob na si Willie (Revillame), nakakahiya kung may mahawa pa sa masamang ubo and pneumonia ni Bimb. The 3 of us are the only family we have now kaya walang iwanan.”
Bukod dito, ipinakita rin ng Queen of All Media na magkahiwalay ngayong matulog ang dalawang anak.
“Kuya is so tall, kaya diagonal sya sa bed. My prayers were answered, hindi nagka fever si Bimb. He took his 2nd dose of antibiotics, and okay ang appetite nya. I’ve been awake 24 hours (all parents will understand me) nag bantay ako to make sure nakatulog sya, no chills, and hindi hirap huminga.
“Sharing this to remind everyone, wag dedmahin ang ubo—and let’s care enough about the health of others to not risk their health.
“Constant hand washing helps a lot—the 3 of us are always together but because I have been strict about washing hands & disinfecting our gadgets, so far okay kami ni kuya,” aniya pa.
Tuwang-tuwa naman si Kris nang mabasa ang palitan ng text nina Joshua at ni former President Noynoy Aquino.
“Speaking of Kuya Josh, nasilip ko his phone habang ka text nya si Tito Noy while kuya told him bimb was sick. Nakaka-touch because Kuya Josh told his Tito Noy: ‘I miss you & i love you so much…’ I saw the reply: ‘Love you, Josh.’
“Maybe reminder for all of us to tell everyone we care about how much they mean to us & how much we love them, whether we are near or far…
“May God bless you and your families during this time of trials & uncertainty,” sey pa ni Kris.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.