SA halip na magnanakaw, dalawang drug peddler umano ang inabutan ng mga pulis sa isang bahay na iniulat na ninanakawan sa Quezon City kagabi.
Kinilala ang mga suspek na sina Jefferson Sancap, 24, ng Planas Site st., Brgy. Kaunlaran at Mary Bernadeth Llames, 26, ng Colonial Residences, Brgy. Loyola Heights.
Nakatanggap ng tawag ang pulisya kaugnay ng nakawan na nangyayari umano sa Room 601 ng Colonial Residences sa Brgy. Loyola Heights alas-6 ng gabi.
Sa halip na magnanakaw naabutan umano ng mga pulis ang mga suspek na nag-aayos ng mga sachet ng shabu.
Narekober umano ng mga pulis ang walang sachet ng shabu na tumitimbang ng 30 gramo at nagkakahalaga ng P105,000, isang digital weighing scale at dalawang cellphone.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.