After ng hit series na “Crash Landing On You” ay may bago nang proyektong gagawin ang superstar na si Hyun Bin.
Kinumpirma ng kanyang agency na VAST Entertainment na siya ang bibida sa pelikulang “Bargaining”. Sa labas ng South Korea ang magiging location ng pelikula at naghahanda na si Hyun Bin sa nalalapit na filming nito.
Kwento ang “Bargaining” ng kidnapping sa Middle East at ang mga hakbang para mailigtas ang mga biktima nito.
Sinasabing ibang akting ang ipapamalas ng Hyun Bin kumpara sa kanyang pagganap sa Crash Landing On You.
Pangungunahan ang pelikula ni Im Soon Hye, ang direktor ng pelikulang “Little Forest.”
Matatandang naging super hit ang Crash Landing On You ni Hyun Bin kung saan nagtala ito ng pinakamataas na rating sa mga drama series ng cable channel na tvN at ang second highest rated Korean drama sa cable TV history.
Naging number 1 din sa Netflix ang Crash Landing on You.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.