WALANG tumama sa P260.8 milyong jackpot prize ng Ultra Lotto 6/58 sa bola Martes ng gabi.
Ayon sa Philippine Charity Sweepstakes Office walang nakakuha ng winning number combination na 47-11-32-45-34-29.
Sa bola nito sa Biyernes ay posibleng tumawid na sa P265 milyon ang jackpot prize. Ang inilalaki ng premyo ay nakadepende sa dami ng tumataya.
Nanalo naman ng tig-P168,980 ang 11 mananaya na nakakuha ng limang numero.
Ang 567 mananaya na nakaapat na numero ay tig-P2,620 naman ang tinamaan. Balik naman ang P24 taya ng 14,252 mananaya na nakatatlong numero.
Ang premyo na mahigit P10,000 ay pinapatawan ng 20 porsyentong buwis.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.