Bea umaming na-miss nang bonggang-bongga si John Lloyd

“NAKAKA-MISS makabatuhan ng linya si John Lloyd Cruz!”

Ito ang inamin ng Kapamilya actress na si Bea Alonzo matapos ang reunion “project” nila ni Lloydie nitong nakaraang Valentine’s Day.

Muling humarap nang magkasama sa madlang pipol ang magka-loveteam sa ginanap na live script reading ng hugot movie na “That Thing Called Tadhana” sa Ayala Triangle, Makati City.

Sa kanyang Instagram page, ibinahagi ni Bea ang kanyang kaligayahan na muling makita at makasama si Lloydie na ilang taon na ring hindi napapanood sa telebisyon.

Ipinost ni Bea ang ilang litrato nila ni John Lloyd na kuha sa nasaing event na may mahabang caption. Aniya, “Valentine’s Day turned out to be a little different from what I had expected.

“It was a beautiful evening. The air was crisp, it didn’t feel like it was a busy Friday night, it almost felt like the holidays again. We went there unannounced with a few of our friends who opted to spend their Valentine’s with us. Most of them stayed until we finished reading the two-hour-long script.

“I have to say, nakaka-miss makabatuhan ng mga linya ang isang John Lloyd Cruz. I am so glad I had the privilege to be on stage with these two amazing and talented people.  

“Congratulations Erwin Romulo and Philbert Dy @philbertdy  for a successful Unconfined Cinema experience. Thank you @danvillegas for the pictures! Isa ka nang ganap na instagram jowa. Sana all! @tonetjadaone.”

Huling nagkatrabaho sina Bea at John Lloyd sa pelikulang “A Second Chance” noong 2015, ang part two ng kanilang 2007 blockbuster movie na “One More Chance.” Maraming umaasa na this year ay magkaroon na ng reunion movie ang dalawa.

Samantala, makalipas ang halos tatlong taon muli ngang gagawa ng pelikula si John Lloyd. Siya ang bibida sa “Servando Magdamag” kasama ang kanyang ex-girlfriend na si Shaina Magdayao.