ABS-CBN hindi agad magsasara pag-expire ng prangkisa
MAAARI pa umanong magpatuloy sa pag-broadcast ang ABS-CBN 2 kahit na paso na prangkisa nito hangga’t hindi ibinabasura ng Kongreso ang aplikasyon nito o hindi pa natatapos ang 18th Congress.
Ayon kay Isabela Rep. Tonypet Albano, vice chairman ng House committee on legislative franchises, hindi nangangahulugan na agad magsasara ang ABS-CBN kapag nag-expire ang prangkisa nito sa susunod na buwan.
“It doesn’t mean that ABS-CBN will close completely because the rule of thumb and I believe this in the committee we were briefed on this is that while 18th Congress is still ongoing hindi po titigil ang services ng ABS-CBN hangga’t po hindi natatapos ang 18th Congress,” ani Albano. “Siguro nangangamba yung iba na by March 30yung expiration ng kanilang contract because they file the petition in the House of Representatives then this petition is being heard and then by virtue of yung sinasabi nating clearance in Congress ay hindi pa nagla-lapse dahil nakapag-apply po sila ng position.”
Hindi naman suportado ni Albano ang panawagan ni Buhay Rep. Lito Atienza na magbitiw si Palawan Rep. Franz Alvarez, chairman ng komite, kung hindi nito aaksyunan ang aplikasyon ng ABS-CBN.
“I do believe we do not support the call of Rep. Atienza. We know for a fact that we have a hardworking chairman; that the chairman is doing his best.”
May 11 panukala sa Kamara na Representantes kaugnay ng pag-renew sa prangkisa ng ABS-CBN.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.