‘Okja’ star Ahn Seo Hyun tanggapin kaya ang ‘School 2020’?
KOREAN word of the week: “Haneul” – sa Ingles ito ay “heaven” at “langit” naman sa Tagalog.
* * *
Bibida ang “Okja” star na si Ahn Seo Hyun sa isa pang installment ng sikat na youth series, ang “School 2020”.
Sakaling tanggapin, gagampanan ni Seo Hyun ang karakter ni Na Geum Young, isang second-year student sa isang vocational high school.
Anak siya ng may-ari ng isang karaoke bar sa Seoul. Pangarap ni Na Geum Young na maging isang sikat na YouTuber.
Positibo ang mga reaksyon sa posibleng pagganap ni Seo Hyun sa nasabing drama dahil akma sa kanyang edad.
Samantala, kumpirmado nang makakasama sa drama ang former X1 member na si Kim Yo Han na gaganap sa karakter ni Kim Tae Jin, isang taekwondo star. Ito ang magiging acting debut ni Kim Yo Han.
Matatandaang lumabas si Seo Hyun sa 2017 film na “Okja,” kung saan nakasama niya sina Steven Yeun, Tilda Swinton at Bong Joon Ho na direktor nito.
Ipinalabas ang pelikula sa 2017 Cannes Film Festival na naging isa sa mga nominees para sa grand prize ng festival.
Bago naman mag-debut si Yo Han bilang idol, isa siyang reserve national athelete sa taekwondo at two-time champion sa National Youth Sports Festival.
Magsisimula ang shooting ng “School 2020” sa Marso at nakatakda itong mapanood sa Agosto.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.