Sharon umaming nagpa-botox: Minimal lang, ayoko ‘yung hindi na gumagalaw mukha ko

SHARON CUNETA

INAMIN ni Megastar Sharon Cuneta na sa kanyang edad na 54, sumailalim na rin siya sa botox at ilang facial treatments.

Sa nakaraang presscon para sa muli niyang pagpirma ng kontrata sa ABS-CBN, diretsong sinabi ng singer-actress na may mga ginawa ng procedure sa kanyang mukha, tulad ng Thermage at Ulthera na mga non-invasive treatment (instant facelift).

“I do Thermage and Ulthera with Doc Aivee Teo, but if you come close… and check my face, I still have lines.

When I do botox, it’s very minimal, and really, really not often because I don’t want to lose my expressions lalo kapag artista ka. Ayoko kasi yung, iiyak ka, yun ang mukha mo, tatawa ka, yun din dahil hindi gumagalaw yung mukha mo, di ba?”

Sa tanong kung bakit kailangan niyang dumaan sa nasabing skin treatment, “These are my dad’s eyes. Yung eye bags ko, minana ko sa daddy ko. My mother had beautiful eyes. I got everything on my mother’s face except for her beautiful eyes.

“And for the longest time, ayoko talagang gawin, pero nu’ng pinanood ko yung ‘Kuwaresma’, sabi ko, ‘Parang over na yata pag umiiyak ako!’ Baka ito (eye bags), medyo ipaayos ko nang konti! Parang I feel na you owe to your audience to look as good as you can, but still looking your age, just looking young for your age.” Ang tinutukoy na “Kuwaresma” ni Mega ay ang ginawa niyang horror movie na ipinalabas noong May, 2019 na idinirek ni Erik Matti.

Hindi raw feel ni Sharon na magpa-botox nang bonggang-bongga, “I want to age gracefully. I don’t want to look not myself. I want to look like me even when I age. Kahit magka-wrinkles na at lahat, alam niyong ako pa rin ‘yun. Bawas lang kasi siyempre nag-aano na yung skin, yun lang.”