Fans ni Alden yayamanin; bumati ng ‘Happy B-Day’ sa 4 LED billboards Manila, Cebu
ALDEN RICHARDS
HISTORY in the making ang regalo ng fans ni Alden Richards para sa kanyang 28th birthday kahapon, Jan. 2.
Apat na giant LED billboards ang bumandera sa publiko na may birthday greetings para sa Pambansang Bae mula sa kanyang fans club na League of Alden Angels & Warriors (L.A.W), Team No Group, Solid A Originals at NSSA.
Makikita ang naglalakihang billboards sa Robinson’s Forum, EDSA Guadalupe, Fuente Osmena sa Cebu at Mall of Asia Global Maze.
“We are making history on 01.02.2020! A first for a local artist’s birthday greeting to be played on not just 1 or 2, but FOUR leading LED video screens in the country!” ang caption ng isang fan ni Alden sa ipinost niyang video ni Alden sa social media.
Agad namang nagpasalamat ang Asia’s Multimedia Star sa bonggang birthday gift ng kanyang loyal supporters, “Thank you very much, grabe kayo!”
Naging top trending topic pa sa Twitter ang gamit nilang hashtag na #AldenRichardsat28.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.