Vico pagmumultahin ng P500 ang magtatanong tungkol sa lovelife | Bandera

Vico pagmumultahin ng P500 ang magtatanong tungkol sa lovelife

Ervin Santiago |December 22,2019
facebook
share this

Vico pagmumultahin ng P500 ang magtatanong tungkol sa lovelife

Ervin Santiago - December 22, 2019 - 01:20 AM

VICO SOTTO

Pagmumultahin ni Pasig City Mayor Vico Sotto ang sinumang magtatanong tungkol sa kanyang lovelife.

‘Yan ang birong komento ng batambatang alkalde nang pangunahan ang pagpapakasal ng 50 magkasintahan sa ginanap na kasalang bayan sa Pasig City kahapon ng umaga.

Sa kanyang official social media accounts, binati ng mayor ang mga bagong-kasal, “Congratulations and Best Wishes to the 50 couples who were married this morning. This was my first time officiating a wedding!”

Dito na nagbigay ng babala si Vico sa kanyang mga social media followers tungkol sa mga magtatangkang mag-usisa kung kailan siya ikakasal, “Ang magtanong ng, ‘eh ikaw kailan ka ikakasal?’ magmumulta ng 500 pesos.”

Kamakailan ay na-link si Mayor Vico sa Kapamilya TV host na at kapwa niya Atenista na si Gretchen Ho matapos makitang magkasamang nanonood ng volleyball game sa katatapos lang na 2019 SEA Games. Pero sa isang interview, sinabi ng anak nina Vic Sotto at Coney Reyes na wala pa talaga siyang oras para manligaw at magkadyowa, “Masyadong naging busy po lalo na po ngayon, busy sa trabaho.”

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending