Panganay ni Juday nagtatanong na tungkol sa tunay na magulang

NAGTATANONG na ang panganay na anak nina Judy Ann Santos at Ryan Agoncillo na si Yohan kung sino ang kanyang tunay na magulang.

“May tanong siya. ‘Do you know my mom?’ ‘No.’ ’Are you friends with my dad?’ ’No, sweetheart,’” pahayag ni Juday sa panayam ng Tonight With Boy Abunda.

“’But, sweetheart, if at some point you want to meet them, you want to talk to them, if you feel that there are questions already in your heart that’s piling up, and feeling mo sila lang ang makakasagot, we can look for them because that’s your right,’” lahad pa ng award-winning Kapamilya actress.

“’Sabi ko, ‘Why?’ Sabi niya, ‘Would it be okay if, at some point, I’ll ask if I could meet them?’ Sabi ko, ‘Of course, of course, anak.’ Tapos huminga lang ako nang malalim. Yun pala yon,” sey pa ni Juday na bibida sa MMFF 2019 entry na “Mindanao”.

Ayon pa sa misis ni Ryan, nahihirapan pa rin siya na sagutin ang mga tanong ni Yohan tungkol sa kanyang adoption, “Hindi mo naman siya pinagdadamot, pero from that time she asked me that question, I was preparing myself every day, ‘Lord, dumating man yung time na maging seryoso na ‘tong batang ‘to, prepare mo kami kasi hindi ko siya ipagkakait sa ganoon.”

Talagang nahirapan sina Ryan at Juday na sabihin ang totoo kay Yohan, “Nu’ng una parang, hindi siya in denial, e, pero parang baka feeling niya siguro baka binobola ko siya or something. And we made her realize na Ryan and me started a family because of you.

“Basically, ikaw yung mitsa ng kandila ng pamilya natin. Her name is Johanna Louise, Lucho’s name is Juan Luis, Luna’s name is Juana Luisa—all named after you.

“Pero parang nahihiya rin siya magsabi na ‘my real mom,’ natatakot siya baka ma-offend ako or something. Sabi ko, ‘Your biological mom, no, sweetheart, I don’t know,’” dagdag pa ni Juday.