Cash incentives ng SEAG winners ibigay agad-solon

DAPAT umanong tiyakin ng gobyerno na agad na makukuha ng mga atleta na nanalo sa ika-30 Southeast Asian Games ang kanilang cash incentives.

Ayon kay Valenzuela Rep. Wes Gatchalian dapat tiyakin ng Philippine Sports Commission na masusunod ang National Athletes and Coaches Benefits and Incentives Act (RA 10699).

Batay sa batas ang nanalo ng gold ay makatatanggap ng P300,000, ang silver at P150,00 at ang bronze ay P60,000.

“Our record-breaking medal haul in the SEA Games is because of the hard work and dedication of our athletes. They have made our country proud and incentives provided to them by law is a token of our gratitude for the honor they brought us, and the PSC should ensure that the incentives for our winning athletes are given in a timely manner,” ani Gatchalian.

Sa team events, ang team na walang lima ang miyembro ay makatatanggap ng cash incentives gaya ng individual medal winners at hahatiin ito ng pantay sa mga miyembro.

Sa mahigit apat ang miyembro, sila ay bibigyan ng tig-25 porsyento ng cash incentives ng individual medal winners.

“Our winning athletes deserve every single peso that is due them. Some of them have even spent their own money just to be able to train for this competition,” ani Gatchalian. “These athletes can use the cash incentives they will receive to train for future competitions and to further hone their craft.”

Ang coach at trainer na personal na sinanay ang mga nanalong atleta ay makatatanggap din ng cash incentives kung sila ang humawak sa atleta anim na buwan bago ang SEAG.

“Sana pagkatapos ng SEA Games ay hindi tayo makakarinig ng balita na may mga atletang hindi nakakuha ng mga gantimpalang na karapat-dapat sa kanila,” ani Gatchalian.