SINUNGKIT ng Ateneo Blue Eagles ang kanilang ikatlong sunod na kampeonato matapos patumbahin ang University of Sto.Tomas Tigers, 86-79, sa Game 2 ng UAAP Season 82 men’s basketball finals Miyerkules ng gabi sa Mall of Asia Arena.
Tinapos ng Katipunan-based dribblers ang kampanya nang walang talo para sa kanilang 11th overall title at maging kauna-unahang koponan sa kasaysayan ng liga na nakakumpleto ng 16-0 sweep.
Winalis ng Blue Eagles ang elimination round taglay ang 14-0 record para sa automatic finals seat bago dinismaya ang Tigers nang dalawang sunod na beses sa best-of-three championship match.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.