JK sa litrato nina Maureen at Shawn Mendez: Sorry, mas cute ako…

INATAKE nga ba ng selos ang award-winning young rock singer-actor na si JK Labajo sa Canadian star na si Shawn Mendez?

Nag-react kasi ang binata sa fangirling photo ng kanyang rumored girlfriend na si Maureen Wroblewitz kasama si Shawn at ang feeling ng netizens, may bahid ito ng pagseselos.

Sa kanyang Instagram account, nag-post ang Asia’s Next Top Model Season 5 winner ng litrato nila ng sikat na Canadian singer na ipinagmalaki pa niyang “unedited photo.” Kitang-kita sa mga ngiti ni Maureen ang pagkakilig.

Kuha ang nasabing photo nang manood si Maureen sa concert ni Shawn sa Mall of Asia Arena nitong nakaraang Oct.10. Inamin ng dalaga na mag-isa lang siya nagpunta sa concert.

Caption ni Maureen sa kanyang IG photo, “Losted it na on twitter, now it’s time to post on Instagram (smiling face with three hearts emoji).

“Most of you know that I‘ve been a fan of shawn since I was 15 and now I can finally post an unedited photo of us (face with tears of joy emoji) also met soo many of you guys!

“Thank you all for being so nice to me, it was my first time going to a concert alone and I enjoyed it a lot (heart emoji).”

Sa huling bahagi ng mensahe ni Maureen tinag pa niya ang kanyang boyfriend, “Sorry @karloslabajo (throwing a kiss emoji).”

Nang mabasa ito ni JK, ito ang naging comment niya, “Cute pero mas cute ako sorry.” Na sinagot naman ni Maureen ng, “@karloslabajo yes I know I know.”

Maraming kinilig sa palitan ng message ng magdyowa at nagsabing naiinggit sila kay Maureen dahil parang ang sarap-sarap daw maging boyfriend ni JK. Ilang guys naman ang nagkomento na mas maswerte ang binata dahil love na love siya ni Maureen.

Pero may ilang fans naman ang nagsabi na tila nagselos si JK kay Shawn dahil ibang-iba ang ngiti nito sa litrato nila ng foreign singer.