RODRIGO DUTERTE
BUMABA ang approval at trust rating ni Pangulong Duterte batay sa survey ng Pulse Asia.
Nakapagtala si Duterte ng 78 porsyentong approval rating sa survey noong Setyembre bumaba mula sa 85 porsyentong naitala noong Hunyo.
Ang Pangulo ay mayroong walong porsyentong disapproval rating at 14 porsyentong undecided.
Si Vice President Leni Robredo naman ay nakapagtala ng 50 porsyentong approval rating, 22 porsyentong disapproval at 28 porsyentong undecided.
Si Senate President Tito Sotto naman ay nakapagtala ng 72 porsyentong approval rating, 7 porsyentong disapproval at 21 porsyentong undecided.
Si House Speaker Alan Peter Cayetano ay mayroon namang 64 porsyentong approval rating, 6 porsyentong disapproval at 30 porsyentong undecided.
Nakapagtala naman ng 42 porsyentong approval rating, 15 porsyentong disapproval rating at 40 porsyentong undecided si Supreme Court Chief Justice Lucas Bersamin.
Ang trust rating naman ni Duterte ay 74porsyento, 9 porsyentong distrust at 18 porsyentong undecided.
Si Robredo naman ay mayroong 46%trust rating, 25% distrust at 29%undecided.
Si Sotto ay may 66% trust, 7%distrust rating at 29% undecided. Si Cayetano ay may 62% trust, 9% distrust at 29% undecided. Si Bersamin ay may 34% trust, 14% distrust at 49% undecided.
Ginawa ang survey mula Setyembre 16-22 at error of margin na plus/minus 2.8%.
Sinabi ni House Majority Leader Martin Romualdez na ang mataas na approval at trust rating ni Cayetano ay magiging inspirasyon ng Kamara de Representantes sa paggawa ng mga batas na kailangan ng mga Pilipino.
“Truly, nothing warms the heart of public servants more than the appreciation of our constituents,” ani Romualdez. “The trust and approval extended by our countrymen to Speaker Cayetano will definitely prompt all of us in the House of Representatives to work harder in the legislative mill in the days to come.”
Sinabi naman ni Bayan Muna chairman Neri Colmenares na ang pagbaba ng rating ni Duterte ay maiuugnay sa patuloy na pagtaas ng presyo ng mga bilihin at ang pagbibigay nito ng pabor sa China.
“The growing dissatisfaction is bound to happen because of the high prices caused by the TRAIN law, the ill effects of the rice tariffication law on farmers, the effects of the African Swine Fever on the hog industry and the massive traffic in Metro Manila and to top it off the continous trampling of our sovereignty by China,” ani Colmenares.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.