NASAWI ang isang pilotong British national nang bumagsak ang pinalipad niyang light plane sa Arayat, Pampanga, Biyernes ng hapon.
Nakilala ang nasawi bilang si Mark Hogget, 55, residente ng Tarlac City, ayon sa ulat ng Central Luzon regional police.
Bumagsak ang 2-seater Quick Silver ultra light plane na pinalipad ni Hogget dakong alas-3, sa isang palayan sa Brgy. Lapaz Turu.
Sinabi ng mga residente na nakita pa nilang umikot ang eroplano bago ito bumagsak.
Ang naturang eroplano, na may body number RPS-2785, ay pag-aari ng Angeles Flying Club, ayon sa ulat.
Inaalam pa ng mga awtoridad ang sanhi ng pagbagsak ng eroplano. m
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.