‘Anti-dengue’ OOTD ni Vice Ganda sa ABS-CBN Ball nilait: Next year hindi na ako pupunta
VICE GANDA AT ANNE CURTIS
“HINDI na ako a-attend next year!” Yan ang tili ni Vice Ganda matapos laitin ng netizens ang kanyang gown sa ginanap na ABS-CBN Ball 2019.
Isa ang TV host-comedian sa mga celebrities na naokray ang OOTD sa nasabing Kapamilya event, isama pa ang kaibigan niya at co-host sa Showtime na si Anne Curtis.
Sa nakaraang episode ng kanilang noontime show, nagsalita ang dalawa at sinagot ang mga bashers ng kanilang ABS-CBN Ball gowns.
Ayon sa TV host-comedian, marami siyang nabasang kanegahan sa social media at ilan sa netizens ay nagsabing mukha siyang “lumpia wrapper” at pwedeng ipanglaban sa dengue dahil nga sa kanyang “kulambo-inspired”.
Sey naman ni Anne, may nagsabing mukha siyang a-attend ng first communion sa kanyang lavender gown.
“Yung mga tao, kung ano-anong sinasabi sa mga damit namin. Yung damit ko daw, ang laki-laking pambalot ng lumpia. Anti-dengue outfit daw yung damit ko,” unang pahayag ni Vice.
“Kaya hindi na ako a-attend next year. Ino-okray lang yung mga damit… Ang bigat-bigat no’ng binibitbit kong gown tapos inokray-okray lang,” tawa pa nang tawang chika ni Vice.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.