MARIAN RIVERA AT ZIGGY DANTES
GOOD news para sa lahat ng Marian devotees! Sa pamamagitan ng LyrOpera (Lyric Opera of the Philippines), mapapanood na ang 8th season ng makasaysayang collaboration nina Nestor Torre (playwright) at Ryan Cayabyab (composer), ang stage musicale na “Magnificat.”
Ang “Magnificat” ay isang “sung-through religious musical about the life of Jesus as seen through the eyes of his mother, Mama Mary.” Una itong napanood noong 1996. It has since been staged more than 200 times in some unconventional venues, such as churches, gymnasiums, gardens, and hospitals, as well as in more commercial places like the Araneta Coliseum, Meralco Theater, and the Cuneta Astrodome.
Una itong idinirek ni Nestor Torre at sa pagbabalik nito sa stage, ang veteran actress-director naman na si Laurice Guillen ang magdidirek nito. Bibida sa muling pagbubukas ng “Magnificat” sina Alyssa Evangelista bilang Young Mary, Kelvin Galano as Young Joseph), Ana Feleo and Pinky Marquez-Cancio bilang Mama Mary at Al Gatmaitan as Jesus Christ.
Ayon kay Sherwin Sozon, co-founder ng LyrOpera, matapos mag-produce ng mga opera at concert for the past seven years, nagdesisyon silang gumawa naman ng original Filipino musical.
“Of course, being an opera company, it had to be a sung-through musical. In the treasure trove that is the catalogue of Philippine plays, zarzuelas and musicals, we chose ‘Magnificat’. ‘Magnificat’ has beautiful music, wonderful lyrics, and a great message,” aniya sa ginanap na presscon ng “Magnificat” kamakailan na dinaluhan din ni Direk Laurice at ng buong cast.
Paano siniguro ni Direk na makaka-relate ang lahat kapag pinanood nila ang nasabing religious musicale? “It’s not important to me to show it as if it happened, in the costuming in the staging; that it’s in Jerusalem, or Nazareth,” she says. “Ang importante, you can empathize with the circumstances of the characters, no matter how small.”
“Ultimately, I think the point is to make this viewable by everybody. The actors have to connect with the audience,” dagdag niya.
Para naman sa Kapuso actress-singer na si Ana Feleo na gumaganap ngang Mama Mary, “I’m not seeing it as religious, believe it or not. I’m seeing it as a musical of humanity, a musical about strength, and love, and perseverance, and connection. That’s Magnificat for me.”
Bahagi rin ng creative team ng “Magnificat” sina Joey Nombres (lighting designer), Leslie Centeno (production designer), Erwin Flores (costume designer), Jomelle “Pipay” Era (movement designer), at Randy Gilongo (musical director).
Mapapanood na ang “Magnificat” sa Music Museum, Greenhills sa Sept. 27, 28, Oct. 4-5, 11-12. For tickets, call lang kayo sa Ticketworld (891-9999) o bisitahin ang Facebook page ng Lyric Opera of the Philippines (
www.LyrOperaPH.com).
q q q
Madaling naibalik ni Marian Rivera ang kanyang kaseksihan matapos manganak kay Baby Ziggy dahil na rin sa pagpapadede.
Kuwento ng Kapuso Primetime Queen, bukod sa healthy eating, mabilis niyang na-achieve ang kanyang ideal weight dahhil sa breastfeeding.
“Pumapayat ka na, lumulusog pa ‘yung anak mo,” pahayag ng misis ni Dingdong Dantes.
Sa nakaraang presscon ng second anniversary ng drama anthology ni Marian, sinagot din ng Kapuso actress ang mga nakikialam sa pagpapakain niya ng solid food kay Baby Ziggy. Aniya, may go signal daw ito ng pediatrician.
“Wag naman sana maging dahilan ‘yan para makasakit tayo ng kapwa ina natin, kaniya-kaniya tayo ng pagpapalaki ng anak. Irespeto natin ang isa’t isa bilang mga nanay,” pakiusap niya.
Ipinagdiinan din niya na wala siyang balak itigil ang pagpapadede kay Ziggy hanggang sa nasa breastfeeding stage pa ito.
Sey pa ni Yanyan, ibang klaseng fullfilment ang napi-feel niya bilang ina nina Zia at Baby Ziggy, “Isang smile lang nila, isang yakap lang nila, talagang masasabi mong napaka-blessed mo bilang tao para ipagkalooban ka ng mga anak.”
