ARESTADO ang isang pulis matapos ireklamo ng panghihipo ng waitress sa isang bar sa Tanauan City, Batangas.
Kinilala ng pulisya ang naaresto bilang si Cpl. Vic Jayson Navales, nakatalaga sa Tanauan City Police.
Nagtungo ang biktima sa istasyon ng pulisya dakong alas-3 ng umaga Martes, matapos ang insidente sa bar na nasa Brgy. Poblacion 3.
Ayon sa Calabarzon regional police, nagtungo si Navales at isang Cpl. Laurel sa bar at nag-inom ng beer.
Habang isinisilbi ng waitress ang inorder nilang ikalawang round ng beer, hinila umano ni Navales ang babae at pinaghihipuan sa maseselang bahagi.
Sumuko na si Navales sa mga kapwa alagad ng batas at isinuko ang baril.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.