Bossing, Maine hindi magtatay sa 2019 MMFF entry: Kontrahan kami!
FIRST time naman na hindi lalabas na mag-ama sina Vic Sotto at Maine Mendoza sa festival entry nilang “Mission Unstoppable: The Don Identity.”
Ayon sa pahayag ni Bossing, magkakontra silang dalawa ni Meng sa kuwento, ibig sabihin palagi silang nagkakaroon ng pagtatalo at debate.
“First time namin gagawin ito na hindi kami mag-ama at sa katunayan, nagkakakontrahan pa kami,” ani Bossing.
Sabi naman ni Maine, “Kakaiba ito sa mga nagawa dati ni Bossing, bago for him and bago for me. Mukhang riot, but riot in a different way.”
Pangako nina Bossing at Meng, riot pa rin daw ang movie nila at kung nag-enjoy ang mga manonood sa last entry nila sa MMFF na “Jak Em Popoy” tiyak na magugustuhan n’yo rin ang “Mission Unstoppable.”
At gaya ng last year’s entry nila, tila wala ring leading man si Maine sa movie dahil kasama man sa cast si Jake Cuenca, mas malamang na kontrabida ang kanyang role rito kesa ang maging love interest ng Phenomenal Star.
Bukod sa kanyang 2019 MMFF entry, nagsimula na ring mag-shooting si Maine para naman sa romcom movie nila ni Carlo Aquino.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.