RHEA SANTOS AT SHARON CUNETA
Ngayong Sabado, matutupad na ang wish ng long-time Kapuso host na si Rhea Santos na maka-duet ang nag-iisang Megastar Sharon Cuneta.
Bago pa man umalis ng bansa, pababaunan ng Wish Ko Lang si Rhea ng isang magandang alaala sa pamamagitan ng pagtupad ng kanyang wish na makakanta ng “Bituing Walang Ningning” kasama si Sharon na tiyak na ikatutuwa niya.
Samantala, isang anak na matagal nang hinahanap ang kanyang ina ang nakatagpo ng pag-asa sa Wish Ko Lang. Madalas umano nag-aaway ang mga magulang ni Rowena noon kaya’t napagdesisyunan ng kanyang nanay na lumayas na lang upang makalaya sa mapanakit niyang ama.
Nang iniwan sila ng kanyang ama, pinaampon silang magkakapatid sa kanilang tiyahin na pinagmalupitan sila. Kaya naman si Rowena ay tumakas at pursigidong hinanap ang kanyang ina. Magkita kaya silang muli?
Mga kuwentong tatagos sa puso at mapapasaya ngayong Sabado sa Wish Ko Lang, hosted by Vicky Morales, pagkatapos ng Tadhana sa GMA.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.