Bela sa pagkakasali sa 2019 MMFF entry ni Aga: Na-stress talaga ‘ko!

KETCHUP EUSEBIO, SANDINO MARTIN, BELA PADILLA, JODI STA. MARIA, KIT THOMPSON AT TONY LABRUSCA

SA pagbisita namin sa taping ng Sino Ang Maysala: Mea Culpa na malapit nang magtapos ay inamin ni Bela Padilla (gumaganap bilang si Atty. Juris) na sobrang kabado sila sa nalalapit nang finale dahil mas mabibigat pa ang mga eksenang mapapanood ng viewers.

“Very bittersweet. Magaan po sa damdamin namin na matatapos na kami. But at the same time, meron pa ding kaba dahil ambigat ng last week namin. Sobra. May kanya-kanyang pupuntahan ‘yung mga character namin. Sobrang solid, sobrang unusual,” paliwanag ng aktres-writer.

“Kanya-kanyang pupuntahan ang characters ng bawa’t isa na dating sobrang solid, unusual bonding,” saad ng aktres.

Nabanggit din ni Bela na hindi rin nila alam ang magiging ending ng kanilang teleserye dahil bawa’t isa sa cast na kinabibilangan din nina Tony Labrusca, Sandino Martin, Ivana Alawi at Kit Thompson ay kinunan ng iba-ibang version kung sino sa kanila ang pumatay kay Bogs (Ketchup Eusebio).

Magtutuloy-tuloy na kaya ang trayduran ng magkakaibigan? Sino nga ba ang pumatay kay Bogs? Sino ang totoong maysala?

Abangan sa nalalapit na pagtatapos ng Sino Ang Maysala: Mea Culpa sa Primetime Bida.

Samantala, hiningan ng reaksyon si Bela sa pagpalit niya kay Nadine Lustre sa “Miracle In Cell No. 7” na entry ng Viva Films sa 2019 Metro Manila Film Festival kasama si Aga Muhlach.

“I’m very happy to take over the role, I’m used to doing that, and ilang beses na rin namang nangyari na hindi ako ang first choice sa isang project. As a fan of Korean movies and shows, I’m very excited to be given a chance to try and portray the character.

“I was in the beach when I got a call from boss Vincent (del Rosario) and asked me if I’m willing to get the role kahit na it was offered to Nadine. Usually I don’t have qualms about something like that. And I’ve seen the movies many times,” pahayag ni Bela.

Idagdag pa na makakasama niya rito si Aga, “Na-stress! Ha-hahaha! Aayoko muna siya isipin. Gusto ko munang tapusin ang scenes dito sa Sino Ang Maysala. I’m very thankful to the production of ‘Miracle in Cell No. 7’ because they moved the time of the shooting. They game ve also time to prepare myself, kasi I want to change my look also.”

“Thank you so much, Nadine. I’m very happy to take this off your hands. I know that you can’t commit to it right now,” dagdag pa ng aktres.

“Sana magkatrabaho din kami soon. I hope that whatever she’s going through, at this point in her life, she goes through it well and easy,” aniya pa.

Wala rin daw alam si Bela sa isyung pinalitan siya ni Nadine sa movie dahil mas kumita raw ang mga pelikula niya kesa sa girlfriend ni James Reid, “Hindi po. And hindi rin po ako aware sa issue na ‘yan kaya ayokong mag-comment.”

Ibinalita rin ni Bela na nag-meet na sila ni Aga para sa kanilang look test.

“Nag look test na po kami last week. Honestly, there’s really a magic around Kuya Aga. Meron talaga siyang kinang na ewan ko siguro sobrang fangirl lang talaga ako. Pero meron siya eh.

“Kahit look test lang. Just watching his videos na siya lang mag-isa, amazed na amazed na ako. Wala pang lines humahanga na ako,” pahayag ng aktres.