Maine nag-promote para sa Hello, Love, Goodbye; Pinasalamatan nina Alden at Kathryn
SUPORTADO ni Maine Mendoza ang pelikula nina Alden Richards at Kathryn Bernardo.
Tuwang-tuwa ang KathDen supporters dahil talagang nag-post pa ang dating ka-loveteam ni Alden ng “Hello, Love, Goodbye” poster sa kanyang Twitter account kasabay ng pagpo-promote sa movie.
Binati rin niya ang Queen of Hearts at ang Pambansang Bae sa tagumpay ng first project nila together.
“GUUUYS! Hello, Love, Goodbye now showing in over 350 cinemas nationwide! Sugod na sa sinehan! Congrats, @aldenrichards02 and @bernardokath!” ang caption ng Dubsmash Queen sa kanyang tweet.
Nang mabasa naman nina Alden at Kathryn ang mensahe ni Maine agad nilang sinagot ito at taos-pusong nagpasalamat. Ni-retweet nila ang post ni Maine.
Sey ni Alden sa kanyang tweet, “Thank you Ma’am Maine!”
Pahayag naman ni Kathryn, “Aaaww.. salamat Maine!”
Nagpasalamat din ang fans nina Alden at Kathryn kay Maine dahil pinatunayan lang nito na magkaibigan pa rin sila ng kanyang ka-loveteam sa Kalyeserye ng Eat Bulaga. Kaya sana raw lahat ng loyal AlDub fans ay manood ng “HLG” para mawasak nito ang lahat ng box-office record sa takilya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.