Bianca palaban na sa Sahaya; hindi na magpapaapi sa mga kontrabida
MUKHANG mabubuking na nga ang matagal nang itinatagong lihim ni Manisan (Mylene Dizon) sa kanyang anak na si Sahaya (Bianca Umali).
Sa pagpapatuloy nga ng GMA Telebabad series na Sahaya, malapit nang bumandera ang katotohanang si Harold (Zoren Legaspi) ang tunay na ama ni Sahaya. Sa trailer na ipinalabas kahapon, nadulas si Harold at bigla na lamang tinawag na anak si Sahaya matapos itong ipagtanggol sa pananakit nina Irene (Ana Roces) at Salida (Snooky Serna).
Dahil dito, siguradong haharapin naman ni Sahaya ang inang si Manisan para malaman kung sino ba talaga ang kanyang tunay na ama? Makapagdenay pa kaya si Manisan? Maitago pa kaya niya sa anak ang tunay nitong pagkatao?
Malalagay naman sa panganib ang buhay ni Ahmad (Miguel Tanfelix) dahil ipatutumba na siya ni Hubert (Eric Quizon), ito’y dahil na rin sa patuloy na paghahanap niya sa kanyang ina matapos itong kidnapin.
Sigurong mas marami pang dapat abangan ang Kapuso viewers sa mga susunod na episode ng Sahaya lalo na ngayong palaban na sa mga kontrabida ang karakter ni Bianca. Napapanood pa rin ito sa GMA Telebabad after 24 Oras.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.