Gerald walang paramdam; dedma sa pang-aasar ng kampo ni Bea

Sino kaya ang tinukoy ni Julia Barretto sa Instagram Story nitong Lunes nang gabi na kinuha niya mula sa Bible (Romans 12:19), “Don’t take revenge, dear friends. Instead, let God’s anger take care of it. After all, Scripture says, ‘I alone have the right to take revenge. I will pay back, says the Lord.’

“Deuteronomy 32:35, ‘My friends don’t try to get even. Leave room for God to show his anger. It is written, I am the one who judges people. I will pay them back,’” aniya pa.

Kami na lang ang manghuhula kung sino ang tinutukoy ng aktres? Marahil ay ang mga netizen ang pinatatamaan niya dahil sa bintang na inagaw niya si Gerald Anderson kay Bea Alonzo.

Nagsimula ang gusot sa ipinost na litrato ng isang netizen kung saan magkasama sina Gerald at Julia habang patungo sa parking lot na ayon kay Marjorie Barretto (ina ni Julia) ay may malisya dahil pinalalabas na nag-date ang anak at ang aktor gayung galing sila sa birthday party ni Rayver Cruz.

Binantaan ni Marjorie na idedemanda ang netizen pero matutuloy pa kaya ito matapos umanong aminin ni Gerald sa tatay ni Julia na si Dennis Padilla na nanliligaw siya sa dalaga.

Mukhang mas lalo lang naipit si Gerald sa sitwasyon matapos sabihin ni Bea na hindi sila naghiwalay ng binata dahil basta hindi na lang daw siya kinausap nito.

Sabi ni Bea, “To my understanding, we did not break up. He just started not talking to me.”

Anyway, cannot be reached pa rin ang drama ni Gerald dahil hanggang ngayon ay wala siyang komento sa isyu at marahil, mas nais niyang palipasin muna ang kontrobersiya.

Isa si Gerald sa artists na patungong San Francisco, USA para sa TFC Kapamilya show, ang tanong dadalo ba siya?