Piolo sa pagiging tatay ni John Lloyd: Fatherhood changed him for the better

OKAY na okay si John Lloyd Cruz sa private life nito, ayon sa kaibigan niyang si Piolo Pascual.

Muling nagkita ang dalawang aktor sa isang endorsement shoot kamakailan kung saan nakasama rin nila si Bea Alonzo. Huling nagkatrabaho sina PJ at Lloydie sa pelikulang “Hele sa Hiwagang Hapis.”

At makalipas nga ang mahigit isang taong pamamahinga sa showbiz, muling humarap sa publiko si John Lloyd para sa bago niyang endorsement at dito nga sila muling nagkakuwentuhan ni Piolo.

“Siyempre na-miss ko si Lloydie. Imagine, bigla na lang nawala. So I’m just so happy that he’s back and he’s also with an endorsement that I truly appreciate and I believe in of course.

“So, sana tuloy-tuloy na. Nakakatuwa na first time namin nakita si Lloydie after some time and he seems to be in a better place. Nakakatuwa lang na we can safely say na he didn’t close his doors on showbiz permanently.

“Siguro he just needed some time off like what I had (nagbakasyon nang matagal sa ibang bansa) so I’m just so happy that he’s back,” kuwento ni Piolo nang makausap ng media pagkatapos ng Sun Life Kaakbay presscon kahapon.

Naiintindihan daw ni Piolo ang naging desisyon ni John Lloyd na umiwas muna sa showbiz, “I cannot speak for him but just the same siguro pareho din naman kami ng tinahak ni Lloydie, it just so happened na magkaiba lang siguro kami ng reaction.

“But for me personally, it’s just really something I needed to have, I need it for myself. But Lloydie will always be a brother. We started our careers together in this business 20 years ago and siyempre affected ka rin pag may nangyayaring hindi maganda sa kasama mo. Lloydie is one of our very competent actors in town so sana bumalik siya,” pahayag pa ni Papa P.

Tinanong din daw ni Piolo si John Lloyd tungkol sa anak nito kay Ellen Adarna na si Elias Modesto, “Happy siya. I was asking about his son. He was very vocal about his family so he’s in a good place. I think fatherhood changed him for the better.

“Not that he’s bad but I guess that’s what he has right now, privacy and at the same time he feels complete. That’s what I saw when I was with him,” kuwento pa ng Kapamilya actor.

May balak na bang magpakasal sina John Lloyd at Ellen? “Hindi ko natanong, eh. I don’t know anything about it. We didn’t talk about it pero yung anak lang niya talaga sabi niya ang galing daw, ang sarap sa pakiramdam.”

Umaasa rin si PJ na magkakasama uli sila ni JLC sa isang pelikula after ng “Hele sa Hiwagang Hapis”, “I think he’s doing a Lav Diaz (movie). Si Lloydie open naman siya eh and he loves to act. But hopefully one day we can work again together.”