Composer ng ‘Minahal Kita’ ni Michael Laygo nagreklamo

SALUDO kami kay Michael Laygo, isang OPM singer na naging aktibo nu’ng dekada nobenta, member na siya ngayon ng Society Of Seven na kilalang-kilalang grupong nagtatanghal ngayon sa Las Vegas.

Mahigit na isang dekada nang naninirahan sa Las Vegas ang kanyang pamilya, d’un na rin binawian ng buhay ang kanyang misis na si Joy, pagkatapos maospital nang maraming buwan.

Bumalik sa bansa si Michael Laygo para sa isang special show, nakiusap sa amin si Dada na malapit sa kanya kung puwede siyang mag-guest sa “Cristy Ferminute” para sa promo ng gagawin niyang show, hindi sila nagdalawang-salita sa amin.

Malapit sa aming puso sina Michael at Joy, hindi sila nakalilimot, kaya nang maging panauhin namin si Michael ay nag-iwan siya sa amin ng stinger para lagi siyang maalala ng ating mga kababayan.

Siya ang nagpasikat ng piyesang “Minahal Kita,” naririnig pa rin ‘yun sa radyo hanggang ngayon, kaya ang ginawa niyang stinger ay “Cristy Ferminute, ika’y pambihira.”

Inireklamo kami ng composer ng kanyang piyesa, ginamit daw namin ang kanyang komposisyon nang walang paalam, samantalang ang mismong singer na nga ang nagmagandang-loob na gumawa nu’n nang walang sapilitan.

Saludo kami kay Michael Laygo dahil nang makarating sa kanya ang reklamo ng composer ay nagpadala siya agad ng paglilinaw sa aming program supervisor na si Cherry Bayle ng Radyo Singko.

Paliwanag ni Michael Laygo sa in-email niyang komento, “I just want to inform you that when I sang and changed the three wordings in the song ‘Minahal Kita’ towards the end of the chorus (Tita Cristy, Ika’y), it wasn’t meant for anything that would merit promotion, advertisement or sponsorship or any other forms of monetary compensation, it was just meant honestly and mainly to honor and show gratitude to Nanay Cristy who has been not only a friend, a mentor, but a family to me even before I recorded the song in 1997.

“With her giving me the chance to promote my advocacy regarding TB Meningitis through my show so I can educate our fellowmen what this kind of illness is that took the life of my wife is more than enough for me to show her my appreciation.

“And for your information, I always give credit to the composer/writer of the song Mr. Michael Pascual every time I get to be asked as to who wrote the beautiful song and I also would like to extend my thanks to him for letting me sing that song.

“Hope this would merit consideration in as far as this issue is concerned. Thank you very much!”

Maraming salamat at mabuhay ka, Michael Laygo, hanggang sa muli.