Barbie kay JM: Bakit ka magsisinungaling, minahal mo naman ako, minahal kita

JM DE GUZMAN AT BARBIE IMPERIAL

Hindi pa ready si Barbie Imperial na makatrabaho uli ang ex-boyfriend na si JM de Guzman. Sa presscon kahapon ng pelikulang “Finding You” ng Regal Films inamin ng young actress na hindi pa talaga sila okay ngayon.

“Dapat meron kaming gagawin, kay ate Ara Mina, kasi parang gustong mag-produce ni kuya Patrick Meneses ng movie for me and JM, pero sinabi ko na hindi pa time.

“Sinabi ko rin po na ‘feeling ko, maiistorbo lang namin ‘yung mga makakatrabaho namin kung hindi pa kami okay sa isa’t isa.’ So, ako po, parang mas pipiliin ko na lang na ‘wait lang muna, huwag nating madaliin.’

“Kasi usually po, pag sinabing ‘hindi, work lang naman, tara na, okay lang ‘yan, work na.’ So, ako, ayoko nang makadamay ng ibang tao and gusto ko na pareho kaming healed na bago kami mag-work ulit,” paliwanag ng dalaga.

Dahil sa sinabi ni JM sa Tonight with Boy Abunda kamakailan na nag-date lang sila for less than a month, nag-dialogue si Barbie ng “once a liar, always a liar.” Sana raw ay hindi na lang nagsalita ang aktor kung magsisinungaling lang ito.

“Ang ano ko lang, hindi ko na nga ino-open-up, eh, kahit kanino. So, sana, hindi na rin siya nagsalita sa TWBA. Napa-tweet tuloy ako, the day after. Natapos siya ng okay, so alam mo ‘yun, sana huwag nang magsalita. Para okay na tayo. So, ang nakasakit lang sa akin, parang why do you have to lie about us.

May pinagsamahan naman tayo,” aniya pa.

“Doon lang ako na-trigger, na parang ‘ba’t ka naman magsisinungaling? Minahal mo naman ako.’ And ako, hindi ako magsisinungaling about him. Alam ko, minahal ko siya,” diin pa ni Barbie.

Samantala, ang pelikulang “Finding You” ang unang movie ni Barbie na meron siyang dialogue. Sa past movies daw niya ay dinadaanan lang siya ng camera at walang linya.

Bida rin sa “Finding You’ sina Jane Oineza at Jerome Ponce. Showing na ito sa May 29 mula sa direksyon ni Easy Ferrer mula sa Regal Entertainment.