Derek maingat sa sex scene: Never akong nag-take advantage sa partner ko

MAINGAT ang Kapuso hunk actor na si Derek Ramsay kapag gumagawa ng bed scene at kissing scene sa kanyang mga acting projects.

Kahit daw itanong sa mga naging leading lady niya sa pelikula at teleserye, never siyang nag-take advantage sa mga maseselang eksena kaya naman feeling safe lagi ang kanyang mga partners.

Sa guesting ni Derek at ng kanyang leading lady sa upcoming Kapuso series na The Better Woman stars na si Andrea Torres, natanong ang dalawa tungkol sa kanilang best quality pagdating sa work ethic.

Sagot ni Derek, “Maga-ling daw ako to make (others) feel safe. Kasi most of my movies have bed scenes and I want my partner to feel that they’re safe with me and that I respect her very much and we’re going to be professional about this so she doesn’t feel awkward.”

Para naman kay Andrea, she makes sure na palagi siyang on-time sa set, “Never akong nale-late. Pero minsan sobrang aga na talaga, two hours before ng calltime nandoon na ako.

“Sabi nga ng handler ko minsan ‘Ano ba ‘yung call time? Mamaya pa!’ Nagmo-mall na lang ako, nagkakape. Kasi feeling ko kapag na-late ako, parang napapraning ako na lahat na ng gawin ko, dyina-judge.

“Asar na sila sa akin the whole day. Feeling ko nasisisi ko na ‘yung sarili ko sa lahat ng nangyayari,” chika pa ng Kapuso sexy actress.