BiGuel: Salamat sa lahat ng nagmamahal kay Sahaya

BIANCA UMALI AT MIGUEL TANFELIX

Winner ang “transformation” episode ni Bianca Umali sa primetime series ng GMA 7 na Sahaya.

Inabangan ng Kapuso viewers ang nasabing eksena kaya naman waging-wagi sa rating ang programa at talagang pinag-usapan sa social media.

In fairness, ang ganda-ganda at ang seksi-seksi ngayon ni Bianca, at yan ang isa sa mga rason kung bakit dumarami ang mga male fans ng dalaga na gabi-gabing tumututok sa Sahaya para masilayan ang alindog ng young actress..

Feel na feel nina Bianca at leading man niyang si Miguel Tanfelix ang init ng pagmamahal ng viewers kaya abot-langit ang pasasalamat nila sa kanilang fans na nag-aabang na sa muling pagkikita ng mga karakter nilang sina Sahaya at Ahmad.

“We are very happy from the start naman, of course, one of our goals was to rate high, but it wasn’t our main goal. Yung main goal namin is just to send a message to the people and thankfully successful kami doon and we are happy na minamahal kami ng mga tao,” sey ni Bianca sa panayam ng GMA.

“Lalo kaming ginaganahan na magbigay ng kaabang-abang na story and mga eksena para sa viewers,” chika naman ni Miguel.

“Sobrang dami pang mangyayari and again, ‘yung paghihirap namin, sobrang sarap sa puso na nagpe-pay off lahat,” dagdag pa ni Bianca.

Kaya huwag nang bibitaw sa kuwento ng pagsubok at pag-ibig sa Sahaya gabi-gabi sa GMA Telebabad pagkatapos ng Kara Mia.