HALOS P140 milyon ang posibleng maging jackpot prize ng Grand Lotto 6/55 sa bola nito sa Sabado.
Hindi tinamaan ang P134.7 milyong jackpot prize nito sa bola noong Miyerkules ng gabi, ayon sa Philippine Charity Sweepstakes Office.
Sa huling bola ay lumabas ang winning number combination na 20-23-12-27-21-16.
Nanalo naman ng tig-P25,060 ang 43 mananaya na nakakuha ng limang numero. Tig-510 naman ang 1,683 mananaya na nakaapat na numero at balik ang P24 taya ng 23,953 mananaya na nakatatlong numero.
Ang Grand Lotto ay binobola tuwing Lunes, Miyerkules at Sabado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.