Petron, F2 Logistics pinapaboran sa PSL Grand Prix quarterfinals
Laro Sabado (Abril 6)
(Filoil Flying V Centre)
4 p.m. Petron vs Sta. Lucia
6 p.m. F2 Logistics vs Foton
PINAPABORAN ang Petron Blaze Spikers and F2 Logistics Cargo Movers sa kani-kanilang mga katunggali sa paglarga ng 2019 Philippine Superliga Grand Prix quarterfinals ngayong Sabado sa Filoil Flying V Centre, San Juan City.
Makakasagupa ng Blaze Spikers ang Sta. Lucia Lady Realtors sa unang laro ganap na alas-4 ng hapon habang makakaharap ng Cargo Movers ang Foton Tornadoes sa alas-6 ng gabi na main game.
Nagtapos ang Blaze Spikers sa No. 1 spot matapos itala ang 14-game sweep sa preliminaries at nakubra ang twice-to-beat advantage sa quarterfinals kontra No. 8 seed Lady Realtors.
Makakatapat naman ng Cargo Movers, na taglay din ang twice-to-beat advantage matapos na lumapag sa ikalawang puwesto sa tangan na 11-3 win-loss record, ang No. 7 seed Tornadoes.
Hindi naman nagkukumpiyansa ang F2 Logistics kontra Foton dahil ipaparada ng Tornadoes ang magkapatid na sina Jaja Santiago at Dindin Manabat sa kanilang quarterfinal matchup.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.