Laro Linggo (Marso 24)
(Araneta Coliseum)
4:30 p.m. NorthPort vs TNT
7 p.m. San Miguel Beer vs Alaska
Team Standings: Phoenix (9-2); Rain or Shine (8-3); TNT (7-3); Barangay Ginebra (6-3); San Miguel Beer (6-4); Magnolia (5-5); Alaska
(4-5); NLEX (4-6); Columbian (4-7); Meralco (3-7); NorthPort (2-6); Blackwater (2-9)
BINALEWALA ng Barangay Ginebra Gin Kings ang malamyang paglalaro sa unang yugto para padapain ang NLEX Road Warriors, 105-96, sa kanilang 2019 PBA Philippine Cup out-of-town game Sabado sa AUF Sports Arena & Cultural Center sa Angeles City, Pampanga.
Gumawa si Japeth Aguilar ng 27 puntos para pamunuan ang Gin Kings na umangat sa 6-3 kartada matapos masungkit ang ikatlong sunod na panalo.
Nag-ambag si LA Tenorio ng 17 puntos habang sina Greg Slaughter, Scottie Thompson at Kevin Ferrer ay nagdagdag ng tig-14 puntos para sa Ginebra, na bumangon mula sa 18 puntos na kalamangan ng NLEX.
Nagtala si JP Erram ng 16 puntos para pangunahan ang Road Warriors na nalaglag sa 4-6 record.
Kumana naman si JR Quinahan ng 15 puntos habang sina Juami Tiongson at Paul Galanza nag-ambag ng tig-12 puntos para sa NLEX.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.