Mag-ingat po kayo sa sindikatong gumagamit sa Wowowin!- Willie
WILLIE REVILLAME
MULING nagbigay ng warning si Willie Revillame sa publiko sa patuloy na pambibiktima ng mga sindikato sa social media at sa text.
Nakarating sa TV host-comedian ang balita na meron na namang bagong kumakalat na scam kung saan ginagamit ang programa niya sa GMA 7 na Wowowin.
Ipinagdiinan ni Willie na wala silang text promo o pa-contest sa social media na nangangakong mananalo sila ng malaking halaga ng pera. Aniya, tanging sa studio lang ng Wowowin sila namimigay ng papremyo.
“Paalala po sa lahat. Meron pong tinatawag na scam, na panloloko na ite-text kayo na kayo daw po ay nanalo sa Wowowin ng P800,000, P500 o ano man ‘yan, na sasabihing kunin n’yo sa GMA at of course sa amin pang chairman, sa amin pa pong boss, kay Atty. Felipe Gozon.
“Hindi po totoo lahat ‘yan. Wala pong katotohanan dahil ang nananalo po dito, dito lang sa loob ng studio ng Wowowin,” babala pa ni Willie sa lahat.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.