Digong kinampihan si Eleazar sa ginawa vs kotong cop
KINAMPIHAN ni Pangulong Duterte ang ginawa ni National Capital Regional Police Office (NCRPO) Chief Guillermo Eleazar sa isang kotong cop.
“Sabihan mo kay Eleazar, okay iyon. Eh, ano ba naman ‘yung ganon-ganon? Sabihin mo, I have his back covered,” sabi ni Duterte sa kanyang talumpati sa Malacanang Miyerkules ng gabi.
Ito’ matapos namang manggigil si Eleazar sa sinibak na pulis na si Marlo Quibete, na umano’y sangkot sa robbery at extortion.
Makikita sa video na hinila ni Eleazar ang buhok at mukha Quibete sa harap ng media.
Inaresto si Quibete, isang Eastern Police District (EPD) Drug Enforcement Unit, matapos umanong mangotong sa isang suspek sa droga.
Ipinag-utos ni Eleazar ang pagsibak sa iba pang unit ng EPD na kasama ni Quibete.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.