Pia maswerteng napili para ma-interview si Captain Marvel; susunod na bibida sa Marvel movie?
NABIGYAN ng chance si Miss Universe 2015 Pia Wurtzbach na ma-interview ang Hollywood star na si Brie Larson, ang lead star ng bagong Hollywood superhero movie na “Captain Marvel”.
Sa isang video clip na naka-post sa mga social media accounts ng “Captain Marvel” sinabi ni Pia na hindi pa rin siya makapaniwala na siya ang nag-i-interview sa Hollywood actress.
“She is so, so cool, so gorgeous. I can’t believe that just happened. I can’t wait to see her in action,” pahayag pa ng beauty queen-TV host.
Tinanong ni Pia si Brie tungkol sa role nito sa pelikula na sinasabing “most powerful superhero in the Marvel Cinematic Universe.”
“It’s really surreal. It still hasn’t hit me yet. I just care so much about female representation and showing female complexity on screen, and I’m just honored to be considered for this role and to be joining a huge family,” sagot ni Captain Marvel.
Pagkatapos ng nasabing interview maraming netizens ang nag-comment na baka raw isa na si Pia sa kino-consider para gumanap sa isa pang Marvel heroine.
“I don’t know about that. We’ll see. It’s always gonna be a dream for me to one day play a superhero so tingnan natin kung mangyayari ‘yan sa Pilipinas o sa abroad,” ang pahayag ni Pia sa isang panayam na ginanap sa special advance screening ng “Captain Marvel.”
Ito naman ang sagot niya nang tanungin kung anong power ang gusto niya sakaling mapili siya sa isang Marvel movie, “I really love Doctor Strange. Like I love the concept of being able to control time. ‘Yun ‘yung talagang gusto ko. Like to be able to manipulate that in some way, like that would be really interesting to do. But ideally, in real life, just to be a strong woman like Captain Marvel would be good enough.”
Pinasalamatan naman ng dalaga ang Disney Philippines at Marvel Philippines sa pagkakapili sa kanya para interbyuhin si Brie Larson. Kasabay nito ibinalita niya ang isang bonggang project na gagawin niya anytime soon,
“Fingers crossed matutuloy ‘yung isa pang pinaplano namin. Sana. Hindi ko pa alam. Basta.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.