Mister ni Yasmien Kurdi pinagselosan si Dion Ignacio

REY SOLDEVILLA JR. AT YASMIEN KURDI

BALIK-TAMBALAN sina Yasmien Kurdi at Dion Ignacio sa bagong GMA daytime series na Hiram Na Anak.

Nang mag-post si Yasmien ng latest picture nila ni Dion together, nagulat siya nang malamang marami pala silang fans sa Africa.

“Very excited sila nang malamang magkasama uli kami sa teleserye. Sana nga maere rin ito sa Africa para mapanood ng fans namin doon,” sey ni Yasmien nang makausap namin sa presscon ng Hiram Na Anak the other night.

Natanong si Yas kung ang asawa ba niyang si Rey Soldevilla ay walang pinagselosan sa mga naging leading man niya?

“Meron din pero sabi ko nga sa kanya bakit naman kailangang magselos? Ha-hahaha!” tugon niya.

Si Dion ba ‘yon? “Yata! Ha-hahaha!” bulalas niya. “Pero wala naman dapat pagselosan. Though nag-uusap naman sila before, wala naman dapat pag-usapan.

“Parang medyo pinagselosan na hindi naman. Sabi ko sa kanya, wala naman yun, trabaho lang. Ewan ko du’n, hindi ko alam!” natatawa pang pahayag ng Kapuso actress.

Nagkaroon ba sila ng relasyon ni Dion noon? “Hindi naman. Iba, pag naging kami,” saad niya.

Eh, si Rainier Castillo na ka-loveteam niya noon at ka-batch sa unang StarStruck? “Hindi po,” sagot ni Yas.

Naging sila ba ni Mark Herras? “Hindi po ako niligawan ni Mark. Si Mark po kasi, kapatid ko kay Nanay Lolit (Solis). Gustung-gusto niya akong i-bully nu’ng time na ‘yon. Hindi yata ako ang type niyang babae!” deklara ni Yasmien.

Kumportable na sa buhay si Yasmien kung tutuusin pero ayaw pa rin niyang mag-quit sa showbiz.

“Ito ‘yung mahal ko eh. Passion ko ito. Nalungkot ako nu’ng mag-quit ako noon. Kaya nga nu’ng nag-aral ako, kahit hirap akong pagsabayin, hindi pa rin ako nag-quit bilang artista,” katwiran ng aktres.

Sa April ang graduation ni Yas, natapos na niya ang kursong Political Science sa Arellano University at join talaga siya sa pagmartsa, huh!