Kyline inuulan ng mga blessings, endorsement humakot ng awards
KYLINE ALCANTARA
TULUY-TULOY ang blessings sa personal na buhay at career ng Kapuso singer-actress na si Kyline Alcantara.
Bukod sa sunud-sunod na project niya sa GMA 7, kabilang na riyan ang pinakabagong Kapuso afternoon serye na Inagaw Na Bituin, ay dumarami na rin ang kanyang mga endorsements.
Sa katunayan, itinuturing siya ngayong lucky charm ng Symply G Marketing (makers of Symply G Hair & Skin Care). Mula raw kasi nang maging brand ambassador nila si Kyline, lumakas ang kanilang sales at nagkasunud-sunod din ang natatanggap nitong karangalan bilang patunay sa magandang kalidad ng kanilang produkto.
“Hindi kami nagkamali sa pagkuha kay Kayline bilang brand endorser ng aming produkto,” ayon sa Marketing Manager na si Marlon Fajardo.
“Since then, nag-increase ang aming sales. Malaking bagay ‘yung suporta ng mga sunflower (tawag ni Kyline sa kanyang mga tagahanga). Kuntento kami sa kanya bilang Symply G endorser,” aniya pa.
Kamakailan ay ginawaran ng 39th People’s Choice Awards ang Symply G bilang Consumer’s Choice, Seal of Excellence, Gold Seal of Quality, Best Brand, People’s Choice: Corporate/Product at Consumer’s Quality.
Samantala, kasabay halos nang awards ng Symply G, tumanggap din si Kyline ng karangalan bilang Promising Female Concert Performer sa 50th Box-Office Entertainment Awards ng Guillermo Mendoza Memorial Scholarship Foundation.
Ang bago namang seryeng pinagbibidahan nila ni Therese Malvar sa GMA Afternoon Prime na Inagaw Na Bituin ay patuloy na pumapalo sa ratings game simula nang ito’y umere last Feb. 11.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.