MARAMING nanay ang na-inspire kay Pauleen Luna dahil sa pagpupursigi nitong magpapayat kahit na super busy as a working mom and wife.
Ayon kay Pauleen, nakakatuwa at nakaka-good vibes ang mga nababasa niyang comments mula sa mga kapwa niya nanay na pumupuri sa kanyang katawan ngayon.
Talagang pinag-uusapan sa social media ang kanyang mga bikini photos, lalo na noong nagbakasyon sila ng kanyang asawang si Vic Sotto sa Amanpulo last October, 2018.
Sa panayam ng GMA, hindi daw niya ginawa ang pagwo-work out para lang mapuri ng mga tao, nais lang niyang mapatunayan sa lahat na mommy at wife na siya ay kaya pa rin niyang matutukan ang kanyang kalusugan.
“Siyempre nakakatuwa but really it’s not naman for others to appreciate. Siyempre masarap ‘yung mommy ka, you push yourself. Tapos you were at this weight once tapos nakikita mo bumabalik ka somehow,” aniya.
Dagdag pa ni Poleng, “I’m still not back completely but masaya naman ako sa weight ko ngayon. I don’t din naman pressure myself.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.