Jo Berry walang takot na ‘binugbog’ si Cherie Gil sa Onanay

ANG bongga naman ni Jo Berry! Talagang walang takot at walang awa niyang sinabunutan at pinagsasapak si Cherie Gil sa isang eksena nila sa Kapuso series na Onanay.

Napanood namin ang nasabing episode at wala kaming masabi sa katapangan ni Jo bilang si Onay dahil kung hindi kami nagkakamali, siya pa lang ang nakagawa ng ganu’ng kalupit na pambubugbog kay Cherie sa isang serye na gumaganap bilang si Helena.

Talagang sinugod at tinalon niya si Cherie para masabunutan at masapak nang bonggang-bongga! Kaya naman ang mga viewers talagang humanga at sumaludo sa tapang ni Onay. Marami pang ganyang pasabog ang Onanay kaya pa-tuloy itong subaybayan sa GMA Telebabad after Cain At Abel.