Moira binastos habang kumakanta, lalaki sumigaw ng ‘panget, mataba!’

MOIRA DELA TORRE

Kinampihan ng mga netizens ang Kapamilya singer na si Moira dela Torre matapos okrayin ang kanyang itsura habang nagpe-perform sa isang event.

Naganap ang pambabastos sa singer na malapit nang ikasal sa kanyang fiancé na si Jason Marvin Hernandez, sa year-end celebration ng Marikina City bago sumapit ang Bagong Taon. Isang lalaki na nasa audience ang sumigaw ng kung anu-anong mapanglait ng salita laban kay Moira.

Sa kanyang Twitter account, ipinaabot ni Moira sa nasabing lalaki ang kanyang saloobin hinggil sa pambabastos nito habang kumakanata siya.

Aniya, “To the rude kuya shouting ‘ang taba mo, laki mo Moira. Panget, taba,’ while I was performing last night. I was so tempted to look at you and give you a piece of my mind. But I didn’t want anyone feeling how you made me feel. Even you.”

Maraming nag-comment sa tweet ng singer at kinondena ang ginawang pambu-bully ng nasabing lalaki.

At dahil sa dami ng nagtanggol sa kanya, nag-tweet uli si Moira ng, “Wow everyone. Thank you.”

Sa isang panayam, sinabi noon ng award-winning singer na nagwa-water diet siya bilang preparasyon sa kanyang nalalapit na wedding.

“Now I am trying to do a cleanse. And I’m trying to exercise. I think it’s not really to lose weight but more so to be able to stand at the aisle and look at my future husband saying here’s your healthy wife because you deserve a healthy wife. And I think it’s also my jumpstart to marriage and all of that,” aniya.