Panawagan ni Katarina Rodriguez sa AlDub fans: Suportahan n’yo ako sa Miss World 2018!
KATARINA RODRIGUEZ
HUMINGI ng suporta si Katarina Rodriguez sa AlDub Nation para sa paglaban niya sa Miss World 2018.
Ipinarating niya ito sa mga fans nina Alden Richards at Maine Mendoza sa pamamagitan ng Twitter kamakailan.
“Hello AlDub supporters, ako po si Katarina Rodriguez, your Miss World Philippines 2018 and samahan niyo po ako in my journey to become the second Miss World for our country, hinihingi ko po ang inyong tulong,” tweet ni Katarina.
Matatandaang nanawagan din noon si Pauleen Luna-Sotto sa AlDub Nation para iboto online si Pia Wurtzbach nang lumaban ang kaibigan niya sa Miss Universe. As we all know, the rest is history ang nangyari kay Pia sa nasabing international beauty pageant.
Samantala, ilang netizens din ang nanagawan na suportahan si Katarina sa bagong laban niyang ito. Pero as we expected, meron ding hindi nagustuhan ang ginawang panawagan ng beauty queen.
Bukod kay Katarina, ang isa pang Pinay na gustong makagawa ng history sa larangan ng beauty pageant ay si Catriona Gray na nasa Thailand ngayon para lumaban naman sa Miss Universe 2018.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.