4 suspek nahulihan ng P350K na party drugs, cocaine sa QC
ARESTADO ang apat na suspek at nakumpiska ang P350,000 halaga ng ecstasy tablet at cocaine sa isinagawang buy-bust operation sa Quezon City, Sabado ng gabi, ayon sa Manila Police District (MPD).
Sinabi ng MPD na nagsagawa ang mga miyembro ng Ermita Police Drug Enforcement Unit ng buy-bust ganap na alas-11:30 ng gabi sa harap ng isang convenience store sa kahabaan ng Katipunan Ave. , Loyola Heights matapos na makipag-ugnayan sa QC Police District Station 9.
Kinilala ng MPD ang mga naaresto na sina Daniel Concepcion, Richard Martinez, Michael Villasanta, at Rakesh Bhogwan.
Narekober mula sa apat na suspek ang 153 tablet ng party drug na ecstasy, 2 sachets ng cocaine, na nagkakahalaga ng P350,000, at ang buy-bust money, ayon sa pulis.
Nakumpiska rin ng mga pulis ang isang Nissan Patrol, isang Subaru WRX at isang Toyota Vios.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.