Toni, Alex, Robi, Zsa Zsa, Martin tsinugi na sa ASAP?

NAPANOOD namin ang bagong bihis na ASAP Natin ‘To last Sunday. Ginawa itong mas “interactive” what with the common and ordinary citizens’ participation.

Sa pag-welcome pa lang kay Regine Velasquez-Alcasid ay may tatlong ordinaryong mamamayan agad ang ipinakilala para ikonek ang mga naging buhay sa inspirasyong naidulot ng mga kanta ng Songbird.

Meron din silang ipinakasal na naging witness pa sina papa Piolo Pascual, Sarah Geronimo, Regine at Ogie Alcasid, at kinantahan pa ni Daniel Padilla with Luis Manzano as host.

Mas marami pa raw na ganitong mga segment ang gagawin ng ASAP Natin ‘To sa mga susunod na episodes kaya’t asahan na ang mas malalaking production at participation ng mga ordinaryong tao sa Sunday show ng ABS-CBN. Feeling namin ang main hosts ngayon nito ay sina Regine, Sarah, Piolo, Ogie, Luis at Gary Valenciano.

Siyempre naroon pa rin ang mga usual na “promo” ng mga artistang may movies and projects gaya last Sunday kung saan narinig namin uling kumanta si Richard Gomez kasama sina Sharon Cuneta at Kathryn Bernardo for their movie, “Three Words To Forever.”

And yes, gaya nga ng napabalita nowhere to be found na sa bagong ASAP sina Toni at Alex Gonzaga, Robi Domingo at iba pang segment hosts ng programa. Hindi na rin namin nakita sina Zsa Zsa Padilla, Martin Nievera at iba pang regular hosts ng show.

Hmmmm, abangan na lang natin ang mga susunod na kabanata! Baka naman next week o sa mga susunod na linggo ay muli nating mapanood ang mga pangalang nabanggit namin.