Biyenang lalaki ni Poe sugatan matapos mahulog ang SUV sa elevated parking space sa San Juan
SUGATAN ang biyenang lalaki ni Sen. Grace Poe matapos mahulog ang kanyang sport utility vehicle (SUV) sa third level ng elevated parking space ng isang shopping mall sa San Juan City, Linggo ng umaga.
Kinumpirma ni Senior Superintendent Dindo Reyes, chief ng San Juan City police, na ang biyenang lalaki ni Poe na si Teodoro Paraiso Llamanzares ang nagmamaneho ng itim na Toyota Innova na nahulog mula sa parking lot ng Greenhills shopping mall.
Tanging si Llamanzares, 83, lamang ang sakay ng kotse nang mangyari ang insidente ganap na alas-9:45 ng umaga.
Ayon sa spot report, magpaparada si Llamanzares sa third level, Parking 4, ng Promenade nang umandar ito at bumangga sa mga harang ng parking lot.
Dinala si Llamanzares sa Cardinal Santos Medical Center matapos ang pangyayari para magamot.
Idinagdag ng pulisya na wala namang nasugatan sa insidente. Naialis na rin ang sasakyan sa lugar.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.