WALONG lindol ang yumanig sa Sultan Kudarat mula kagabi hanggang kaninang umaga.
Ayon sa Philippine Institute of Volcanology and Seismology alas-10:49 ng gabi ng maramdaman ang magnitude 4.9 lindol. Ang epicenter nito ay 49 kilometro sa kanluran ng Kalamansig. May lalim itong isang kilometro.
Nagdulot ito ng Intensity III paggalaw sa Kalamansig at Lebak. Intensity I naman sa Tupi, South Cotabato.
Nasundan ito ng magnitude 4.5 alas-10:54 ng gabi, Ang epicenter ay 29 kilometro sa kanluran ng Kalamansig at may lalim na walong kilometro.
Sumunod naman ang magnitude 2.6 alas-10:57 ng gabi, magnitude 2.3 alas-11:55 ng gabi, magnitude 2.0 alas-1:27 ng umaga, magnitude 2.7 ala-1:44 ng umaga, magnitude 2.4 alas-1:59 ng umaga, magnitude 2.2 alas-3:26 ng umaga.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.