61 trak ng basura nahakot mula sa 2 sementeryo sa Maynila simula Oct. 30 | Bandera

61 trak ng basura nahakot mula sa 2 sementeryo sa Maynila simula Oct. 30

|November 02,2018
facebook
share this

61 trak ng basura nahakot mula sa 2 sementeryo sa Maynila simula Oct. 30

- November 02, 2018 - 04:41 PM

UMABOT na sa 61 trak ng basura ang nahakot mula sa Manila North Cemetery at Manila South Cemetery simula bisperas ng All Saints’ Day, ayon sa Manila Department of Public Services (MPDS).

Idinagdag ng MPDS na kabuuang 35 trak ng basura ang nakolekta mula sa Manila North Cemetery samantalang 26 trak ng basura ang nahakot mula sa Manila South Cemetery mula Miyerkules hanggang alas-2 ng hapon noong Biyernes, base sa ulat ng MPDS sa Metro Manila Development Authority (MMDA).

Binatikos ni Edison Nebrija, commander ng Task Force Special Operations ng MMDA, ang tambak na basura na naipon sa mga sementeryo at nanawagan sa publiko na tigilan ang pagkakalat.

“Pakiusap namin na kalat niyo, bitbit niyo’ para po makabawas sa basura sa sementeryo. Maging responsableng indibidwal sa pagtatapon ng ating basura,” sabi ni Nebrija.

“Sana po ma-segregate rin para makatulong sa pagbabawas ng mga basurang itatapon sa mga landfill,” ayon pa kay Nebrija.

Sinabi ni Nebrija na karamihan sa mga nakolektang basura ay mga pinaglagyan ng mga pagkain matapos namang payagan ang mga food stall sa loob ng sementeryo.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending