Zia Dantes pasadong kontrabida sa costume na ‘Joker’

ZIA DANTES, MARIAN RIVERA AT DINGDONG DANTES

HUWAG na tayong magtaka kung sa mga susunod na buwan ay mapanood na rin natin ang anak nina Dingdong Dantes at Marian Rivera na si Zia Dantes.

Libu-libong likes at comments ang nakuha ng mga Instagram Holloween photos ni Zia kung saan naka-costume siya bilang si Joker na ginampanan ng yumaong Hollywood actor na si Heath Ledger sa “Batman” movie.

Kung last year ay puro ang mga bidang karakter sa “Batman” ang ginaya ng Dantes family, this year ay puro villains o kontrabida naman ni Batman ang kanilang kinopya para sa kanilang yearly Halloween pictorial.

Nag-costume si Dingdong bilang si The Riddler na ginampanan sa movie ni Jim Carrey habang si Marian naman ay nag-ala Poison Ivy na pinasikat naman ng Hollywood actress na si Uma Thurman. Narito ang ilan sa mga comments ng mga IG followers nina Dingdong at Marian.

Sey ni @maricorf143, “Every year I look forward to your Halloween costumes!”

Komento ni @emylaongkiatco, “Oh my gooooosh baby Z!!! I just can’t. you’re too adorable!!!”

Chika naman ni @i.am.jihan, “Jusko Madam @marianrivera kaseksi naman. Parang hindi buntis. Nasaan ang Hustisya!?”

Ito naman ang comment ni @julietmaeloyola, “Si Zia nagdala ng wow factor dito! Ang ganda! Happy halloween #teamdantes!”

Kaya nga hindi na kami magugulat kung isang araw ay umaarte na rin sa harap ng camera si Zia dahil sa natural na pagiging artist nito. Kitang-kita naman ang ebidensya sa kanyang mga emote sa litrato, ‘di ba?

Samantala, ibinahagi naman ni Dingdong sa kanyang IG followers and supporters ang kanyang excitement sa nalalapit na pagpapalabas ng bagong movie ng kaibigan niyang si Paolo Contis, ang “Through Night And Day” with Alessandra de Rossi.

“Mukhang maganda ito brader,” ang caption ni Dong sa trailer ng pelikula na ipinost din niya sa Instagram.

Bukod sa unang pagbibida nina Paolo at Alessandra sa isang hugot-romcom movie, mukhang naengganyo rin si Dingdong na abangan ito dahil sa magagandang lugar sa Baguio City at Iceland kung saan kinunan ang pelikula.

Mga ganitong klase ng lugar din kasi ang madalas ipakita ng Kapuso host sa kanyang top-rating program na Amazing Earth. Para makapanood ng mas magagandang lugar at interesting animals, samahan si Dingdong tuwing Linggo ng gabi sa Amazing Earth ng GMA.