Bitoy nagsalita na kung bakit biglang nawala sa Eat Bulaga

MICHAEL V

Bakit nga ba hindi na napapanood si Michael V sa longest-running noontime show na Eat Bulaga? Sinagot ni Bitoy ang tanong na ito sa kanyang latest vlog na #BitoyStory, aniya napakarami niyang projects this year kaya nagpaalam muna siya sa EB.

“Nami-miss ko rin sila siyempre. Mayroong point in my life na sobrang kailangan kong gawin na dati Wednesdays, Fridays and Saturdays ako, naging Fridays and Saturdays na lang. Naging Saturday na lang, so parang medyo nahihiya na ako.

“Napakaliit na oras na lang ang mailalaan ko for them, nakakahiya namang magtrabaho nang ganu’n. And besides that time talagang kaputukan nu’ng AlDub. I think that was the perfect time for me to do something else, ‘yung mga kailangan kong gawin para hindi nakakahiyang medyo hindi muna pumasok sa Bulaga,” sey ng komedyante.

Hirit pa ni Bitoy, “From time to time tinatawagan pa rin nila ako, hindi lang talaga nagtutugma ‘yung schedule.”